الملعب و الفرص الضائعة.. 10 تصريحات نارية لكولر بعد تعادل الأهلي أمام شباب بلوزداد

علق السويسري مارسيل كولر مدرب الفريق الأول لكرة القدم بالنادي الأهلي على تعادل فريقه أمام نادي شباب بلوزداد بدون أهداف في الجولة الثالثة من دور المجموعات بدوري أبطال أفريقيا.

وقال كولر في المؤتمر الصحفي عقب المباراة: "كولر:" احنا مش سعداء بالنتيجة اطلاقا، اعتقد كان المفروض نكسب ماتش زي ده، بسير الاحداث المفروض نكسب، وأهدرنا فرص كتيرة ودي مشكلتنا الازلية".

وأضاف:" الاهداف الضائعة اكبر عدو لنا الان، والحمد لله لم نخسر في نهاية المباراة من هجمة مرتدة، مش عارف التوفيق غايب بشكل كبير جدا، زعلان جدا على النتيجة، وسمعت ان الماتش التاني اتعادلوا، والوضع يبقى على ما هو عليه، ولازال كل الاحتمالات مفتوحة".


واكمل: "اظن ان كلمة انهيار الفريق فيها مبالغة، والشوط الثاني اتاحت لنا فرص كثيرة، والمنافس لم يذهب سوى مرتين منهم الكرة اللي جاءت في العارضة، وكلمة انهيار في الشوط الثاني مبالغ فيها جدا".

واستطرد:" احنا اول حاجة هنتكلم مع اللاعبين ونديلهم الثقة، في لاعبين فاقدين الثقة ودا واضح في اضاعة الفرص، وفي صعوبة واضحة في اللعب كل 3 ايام، لاننا بنكون عايزين نمرنهم على الفينيش وبنمرنهم استشفاء لكن دي مش حجة، لازم نتمرن على اضاعة الاهداف عشان العقدة تفك، ونرجع نسجل تاني لان الموضوع بقى صعب قوي".

واختتم:" الفرق بين برج العرب واستاد القاهرة (بحر) عالم تاني، استاد القاهرة هو الوحيد في مصر اللي يصلح للعب كرة القدم، ممكن يكون شكل المدرجات شبه استاد القاهرة لكن ارض الملعب لا يفرق كثيرا عن اي استاد آخر في مصر".