الزمالك: محتوى المجلة جيد ولكن يحتاج موضوعية أكثر

تحدث عمرو أدهم عضو اللجنة المكلفة بإدارة نادي الزمالك عن أزمة مجلة النادي وإيقاف طباعتها لمدة شهر قادم.

وقال عمرو أدهم في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "البيان الصادر من نادي الزمالك واضح وشافي، قولنا بدون مواربة، وده معناه ان لو في خطا معين مش بننكره".

وتابع "الاعتراف بالخطأ من شيم البطل، المانشيت الخاص بالعدد مكتوب عليه الزمالك كبير والزمالك فعلا كبير علشان كدة لما شوفنا في خطأ واجهنا الموقف".

وأضاف "اخدنا قرارات وفقًا للثوابت الي هتبقى مرتبطة بينا، اي حد هيخرج عن السياق مش هيكون له تواجد، نحن لا نبالغ ولا نتهاون، سمعنا للأطراف كلها علشان نحدد المسئولية، قد يكون هناك مسئول فردي ولكن المنظومة كلها مسئولة".

وواصل عمرو "الي اخطأ يتعاقب، بنراجع كل الاجراءات وبنبص على المحتوى، محتوى المجلة جيد لكن عاوزين موضوعية أكتر، بشوف اننا لم نكن موفقين في الخطأ الي حصل ده والتوقيت احنا مش حابين ندخل او ننجر في حاجات فرعية".

وأردف "تم تكليفي بمراجعة المحتوى واتجاه مجلة النادي، انا مش مهني ومش صحفي، لكن لو في منهج علمي بنتبعه هنوصل لنتيجة كويسة، هنقعد واسمع مع الناس الي في المجلة ونخرج بتوصيات تكون في مصلحة المجلة والنادي".