إعلامي: معندناش كرة في مصر.. والمنظومة محتاجة إصلاح

قال الإعلامي أحمد موسى، إن منظومة الرياضة في مصر تحتاج إلى إصلاح شامل، مشيرا إلى دول العالم بدأت في دوريات الموسم الجديد والدوري المصري لم ينته بعد.

وأضاف موسى، خلال برنامج "على مسؤوليتي"، المذاع على قناة "صدى البلد": "مش هنضحك على بعض معندناش كرة في مصر ومنظومة الكرة في مصر فيها مشكلة ولازم يكون فيها تظبيط".

وقال موسى: "لو هنتكلم على الاحتراف نقول يعني إيه احتراف وازاى بنتكلم عن الاحتراف وإحنا لسه بنلعب كأس سنة 21 ولسه الدوري مستمر والعالم كله بدأ الدوريات الجديدة وده بيحصل في مصر بس وإحنا عندنا أزمة لو هنتكلم على الاحتراف إحنا معندناش احتراف".

وأشار موسى :" لازم يكون في جدول دوري بيقول هيبدأ يوم كذا ويخلص يوم كذا وكل فريق هيلعب المتاشات إمتى والساعة كام وعامر حسين رئيس لجنة المسابقات باتحاد الكرة يقول الربع الأول أمتي ثم الربع الثاني ثم الربع الثالث ثم الربع الأخير ويتعمل جدول كامل للدوري".

وقال موسى: "لازم يبقى في عدالة في المنظومة والكل يعرف الدوري هيبدأ أمتي والمنظومة مش أهلي وزمالك ولازم ميبقاش في فرق عندها حظوظ وفرق تشعر بالظلم وفرق بتقول ايه اللي بيحصل لازم نراعي ده في اللي جاي وفي الآخر الجمهور هو اللي بيتحرق