نجم الزمالك :" محدش بيسأل فيا.. والنادي مش عايز يعالجني"

شن يوسف حسن، لاعب الفريق الأول لكرة القدم بالنادي الزمالك، هجومًا قويًا على مسؤولي نادي الزمالك.

وكتب يوسف حسن عبر حسابه الشخصي “أنا بس هتكلم كلمتين لأني ساكت متكلمتش من ساعة ما اتصابت انا ولا حد بيسال فيا ولا حد بيطمن عليا بدون ذكر اسماء انا مقصرتش مع حد ولا عمري حد شاف مني حاجه وحشه”.

وتابع “انا اتصابت فى ماتش المقاولون العرب في الكاحل تمام اتعالجت يومين وبعدين رحت المنتخب الشباب اتخبطت فى رجلى تاني، وتم تشخيص الاصابه انها قرحة فى الكاحل ومحتاجه ليزر وكل ما اكلم حد يقولي النادي مفهوش فلوس”.

وأضاف “انا بقالي خمس شهور قاعد في البيت مفيش حد عارف يعملي عملية بـ 150 الف جنيه لدرجة اني قولت عاوز فلوسي وانا هعملها علي حسابي”.

وأوضح نجم الزمالك “تاني مره هقول حسبي الله ونعم الوكيل فى اللي قال ان اصابتي مزمنه نفسي افهم ايه اللي بيحصل مقصرتش بنقطة عرق وحده وانا بلعب مع النادي الزمالك لعبت خمس ماتشات كسبنا الخمسه الحمد لله يعني مقصرتش باي حاجه”.

واتم "عامة انا فى انتظار اي مسئول فى النادي يكلمني وهعمل العملية وهرجع احسن من الاول باذن الله وانا بحب جمهور الزمالك من قلبي فعلا شكرا".