نجم سلة الزمالك يكشف تفاصيل مفاوضات الأهلي والاتحاد لضمه

كشف أنس أسامة لاعب نادي الزمالك لكرة السلة عن كواليس مفاوضات الأهلي والاتحاد السكندري لضمه قبل بداية الموسم.

وقال أنس في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "لما الأهلي جم اتكلموا معايا قبل ما اجدد الزمالك السنة الي فاتت، رحت اتكلمت مع مسئولي الزمالك قولتلهم الأهلي كلمني، انا مش بخبي اوبداري، مفيش حاجة بتستخبى وتيجي مني أحسن ما تيجي من برة".

وتابع "رغبتي كانت اني أكمل في نادي فيه برنامج معين للفريق انه ياخد بطولة، بالنسبالي البطولات أهم من الفلوس في السن ده، أنا عاوز اعمل تاريخ".

وواصل "اني العب في بطولة افريقيا والبطولات العربية واكسب بطولات اهم من اني اخد فلوس، المشاركة في بطولة إفريقيا من الأسباب الي دفعتني للموافقة على الاستمرار، بجانب إن الزمالك بيتي وبحس اني مرتاح اكتر".

وواصل "في نفس الفترة دي فاوضني الاتحاد السكندري، وجلست مع محمد مصيلحي رئيس النادي أكثر من مرة وكنت أقرب للاتحاد من الأهلي في الفترة دي، لإن هم عندهم سيستم ماشيين عليه أكتر وبيلعبوا أكتر من بطولة خارج مصر".