أخبار محلية

"فشلة وأغبية".. ميدو يفتح النار على اتحاد الكرة قبل عودة الدوري

الخميس 31/أغسطس/2023 - 12:38 م

فتح احمد حسام ميدو نجم الزمالك السابق، النار على مسؤولي اتحاد الكرة، قبل عودة الدوري المصري الممتاز في الموسم الجديد.

وكتب أحمد حسام ميدو عبر حسابه الشخصي على موقع التواصل الإجتماعي “إكس”: “الموسم المحلي راجع تاني شوية اشخاص اتغيروا لكن نفس منهج الغباء".

واضاف: "ماتغيرش منه حاجه شايف ان في محاولة لتذكير الجماهير بمنهج الغباء..اوعوا تنسوا يالا انت وهو ان احنا فشله وأغبيا افتكر كويس انت بتتعامل مع مين!!”.

وتابع نجم الزمالك السابق: “الموسم هيبدأ من غير اي تغيير في لائحة الانظباط والاخلاق والحاج قاعد على المكنه بيفصل أسابيع الدوري..الجديد بقى ان المنتخب بقى بيشحت لاعيبته والإعلام بقى بيبرر للكلام ده عادي!! دي بقى مرحلة جديدة من البجاحة!!”.

وكشف: “انا كنت فاكر ان ليڤيل ان منتخب مصر يبقى بيشحت لاعيبته جاي بعد ٥٠ سنه وكان عندي أمل كبير ان ان شاء الله هموت قبل العمر ده لكن احنا اتطورنا بسرعة جدا..الحمد لله احنا جامدين جدا، غير مقبول لا من الزمالك ولا من الاهلي ولا حتى مارسيليا انه يساوم المنتخب بلاعيبته وأي حد يطلع في الاعلام يقول غير كده يبقى ضلالي..الأولوية لمنتخب مصر.. مصر فوق الجميع”.

واختتم: “والله العظيم نفسي أقاطع الدوري المصري ده كورة تعبانه وملاعب تعبانه ونقل تليفزيوني تعبان ولبس معظم الفرق تعبان ومعظم اللاعيبه بيروحوا عند حلاق واحد!!”.