أخبار محلية

القيعي: الأهلي لا يملك سيولة والمهاجم ليس أزمتنا ولابد من رحيل هؤلاء

الإثنين 13/مارس/2023 - 10:27 م

كتب: وان ثري

علق المهندس عدلي القيعي رئيس شركة الكرة بالنادي الأهلي، على هجوم الجماهير ضد إدارة النادي بسبب عدم التعاقد مع مهاجم في انتقالات يناير.

وقال القيعي في تصريحات متلفزة: "الجميع بيتكلم إننا عاوزين مهاجم، مع إن كل الماتشات اللي هربت مننا لو مدخلش فينا أهداف كنا فوزنا بها".

وعن لقاء صن داونز والهلال السوداني قال القيعي: "احنا لازم نتحرك دلوقتي ونطلب لجنة من الكاف ولجنة من الفيفا لمراقبة اللعب النظيف في ماتش صنداونز والهلال السوداني يوم السبت المقبل".

وأضاف القيعي في تصريحات متلفزة: " الأهلي بدأ يتحرك وعمل خطوات في منظومة الكرة بالنادي ودا هيكون بناء لـ السنوات القادمة، ومش هقول تفاصيل دلوقتي".

وعن خماسية صن داونز أوضح: "هزيمة كبيرة وغضب الجماهير طبيعي واللي متضايق سواء لاعيبة أو جهاز أو احنا كمسؤولين من الغضب ده يبقى مش طبيعي.. اللاعب اللي مش هيستحمل الضغط ويشيل مسؤولية النادي الأهلي يبقى مش هيبقى معانا.. محدش صاحب فضل على الأهلي صغيرا أو كبيرا".

وأشار:"الأهلي لا يمتلك سيولة مالية ودي المفاجأة، عايزين ناخد فلوسنا وحقنا عشان نعرف نشتغل".

وخسر الفريق الأول لكرة القدم بالنادي الأهلي بخماسية مقابل هدفين أمام نادي صن داونز الجنوب إفريقي، في إطار الجولة الرابعة بدور المجموعات بدوري أبطال أفريقيا.

ويخوض الفريق لقاء آخر خارج ملعبه في دوري أبطال إفريقيا، أمام القطن الكاميروني يوم 17 مارس الجاري في الجولة الخامسة.

ويلعب الأهلي ضمن المجموعة الثانية بدور المجموعات، والتي تضم معه كلًّا من: صن داونز الجنوب إفريقي، والهلال السوداني، والقطن الكاميروني.

ترتيب مجموعة الاهلي

1- صن داونز برصيد 10 نقاط

2- الهلال السوداني برصيد 9 نقاط.

3- الأهلي برصيد 4 نقاط.

4- القطن الكاميروني بدون نقاط.