موقف الزمالك من ضم صفقات جديدة في الشتاء

السبت 19/نوفمبر/2022 - 12:29 م
كتب: هاني عصام
شعار نادي الزمالك
شعار نادي الزمالك
كشف مرتضى منصور رئيس نادي الزمالك عن موقفه من ضم صفقت جديدة للفريق.

وقال مرتضى في تصريحات عبر قناة الزمالك :"حد بيقولي اخبار الصفقات ايه؟، يا استاذي الفاضل عندنا كام حارس مرمى ومنهم 2 في المنتخب، و كام مساك 3، والونش طبعا والمثلوثي هل انا محتاج مساك؟".

وتابع :" انتم اللي شتمتوا محمود علاء واحبطوه وجبتوه الارض، وقالي اروح العب ببلاش و دلوقتي في المنتخب، وعبد الله جمعه في المنتخب، سيبوا اوباما في حاله علشان يروح المنتخب".

وواصل :"مركز الباك يمين عندي المثلوثي وعمر جابر ونيمار، والشمال فتوح وعبد الله جمعه وعبد الشافي، هي طفاسة؟ ".

وأكمل :" خط النص في روقا وعمرو بيه السيسي ودونجا وامام عاشور وزكريا الوردي في 5 وبيلعب منهم اثنين".

وأضاف:"مش عاوز اقول خلي عندكم دم النادي مفيهوش جنيه، عندك جناح يمين زيزو وشيكابالا وشمال شلبي ونداي، مهاجمين سامسون والجزيزي واوباما ويوسف حسن وحسام اشرف وسيف جعفر".

وأكمل :"في ايه انتم؟، مبتستريحوش ابدا، مبتهمدوش، انتم من غير الصفقات اخدتوا دوري وكأس، الرجل بيقول الاماكن واحنا نتعاقد، وعندنا كمان محمود شبانه وعبدالسلام كل ده موجود، لا هتجيب ايه، هات فلوس وانا اجيب".

وأضاف :"عاوز ادعم اليد، ببارك للسله اللي خسروا فرق ثلاثيه".