حيلة جديدة من كارتيرون للرحيل عن الزمالك

الأحد 23/يناير/2022 - 11:11 ص
باتريس كارتيرون
باتريس كارتيرون
اكد الإعلامي أحمد شوبير نجم النادي الأهلي ومنتخب مصر السابق ان الفرنسي باتريس كارتيرون المدير الفني للفريق الأول لكرة القدم بنادي الزمالك يرغب في الحصول على 300 ألف دولار للرحيل عن القلعة البيضاء هى قيمة الشرط الجزائى فى عقده

وقال شوبير في تصريحات إذاعية :"خسارة الزمالك من غزل المحلة خسارة غريبة كشفت أن الزمالك معندوش خامة جيدة فى قطاع الناشئين ودى مشكلة كبيرة لان النادى مش هيعرف يجيب صفقات جديدة بسبب ايقاف القيد وكمان مش عارف يحتفظ باللاعيبة اللى انتهت عقودهم بسبب مطالبهم المادية الضخمة وبالتالى الفريق هيعمل تدوير ازاى بالمواسم المقبلة".

وأضاف:" فى مشكلة واضحة بين كاتيرون والزمالك ، كارتيرون شايف ان جهازه المعاون فرض عليه مثلا شايف ان مدحت عبد الهادى مالوش دور ، وهو بيحب أمير عزمى شوية بس شايف ان المعاونيين فرضوا عليه وملهمش دور ومش مقتنع بيهم وهو هيفضل مستمر لحد ماياخد الشرط الجزائى اللى قيمته 300 ألف دولار لو الزمالك قرر اقالته ويمشى بخلاف ذلك قاعد ومستمر".

وانهى " اعلان عقوبة الجهاز الفنى بتغريمه بعد خسارة المحلة هيصعد الامر خاصة انها بطولة غير مدرجة وبالتالى مش من حق مجلس الزمالك الخصم من مستحقات المدرب ، وكان المجلس أعلن عقاب اللاعبين مادياً رغم ان اللاعبين لم يحصلوا على مستحقاتهم منذ فترة طويلة".