أحمد عفيفي يضرب سيد عبد الحفيظ بتصريح ناري

علق الإعلامي أحمد عفيفي على بيان النادي الأهلي الأخير، وتصريحات سيد عبد الحفيظ بخصوص التحكيم المصري، وذلك عقب الخسارة من غزل المحلة بنتيجة 1-0، ببطولة الدوري المصري الممتاز.

وقال عفيفي في تصريحات تلفزيونية عبر برنامج "فن وهندسة" المذاع عبر شاشة قناة نادي الزمالك:" صدعونا على مدار سنوات بمجموعة من الشعارات الكاذبة الساذجة اللي بتقول على فكرة ميزة النادي ده أنه مبيشتكيش من التحكيم وأنه مش شاغل باله بغيره أبدا وأنهم شاغلين بالهم بنفسهم بس".

وأضاف:"لو جبت طفل 4 سنين هيعرف مدى سذاجتهم لان نفس النادي ده مش لما بيخسر لأ ده لما نتائجة بتهتز بس مش بيخسر بطولة أو مش بينهار أو مش بيتم اللعب باستقراره بحل مجالس والمصايب اللي بتحصل في الاندية التانية دي لأ، ده يدوبك بس أول تعثر بيطلعوا يتكلموا عن التحكيم".

وتابع:"بيطلع مدير الكرة في النادي ده في فيديو 15 دقيقة منهم 16 دقيقة بيتكلم على النادي التاني وبيحصل الحاجات اللي دايما بتقولوا مبتحصلشي وأتمنى لما تحصل المرة دي لانها اتكررت 1900 مرة".

واختتم:"محدش يقول متعودناش على كده لا انت اتعودت وانت مش واخد بالك بس، انت بس اللي بتختار تشوف الموقف ده كعيب عند ناس أو كل الناس إلا طرف واحد ودي مشكلتك أنت مش مشكلة أي حد تاني".

جدير بالذكر أن الأهلي يواجه نادي الزمالك يوم 10 مايو المقبل ضمن منافسات الجولة 21 من بطولة الدوري المصري الممتاز.