صور.. «وصلة ساخنه» بين ميدو وسما المصري

أشتعلت مواقع التواصل الاجتماعي ، خلال الساعات الماضية ، على خناقة الساخنة والمثيرة  بين النجم أحمد حسام ميدو لاعب الزمالك والمنتخب الوطنى الاسبق والمحلل الرياضي ، والفنانة سما المصري ، بسبب تعليق الأول على فستان الفنانة رانيا يوسف الذى ارتدته فى ختام مهرجان القاهرة السينمائى .

وكان أحمد حسام " ميدو " عبر حسابه على تويتر قام بالتعليق على الفستان قائلا: "فستان رانيا يوسف وحش جدا بصراحة، بس انتوا مال ابوكوا هو عريان ولا لأ؟ هتنزلوا معاها القبر تتحاسبوا؟ والله والله والله 70٪ من اللى هاجموها لو شافوها هيبوسوا ايديها ورجليها كمان".

تعليق نجم الكرة المصرية لم ينل إعجاب سما المصرى، والتى قامت بـ الرد ضد ميدو بعد هذه التغريدة، حيث أبدت اعتراضها على كلمة "انتوا مال أبوكوا"، مبررة ذلك أن النقد حق لأى شخص.

وقالت سما المصرى لميدو "لا لا لا حاسب بس.. احترم نفسك فى الكلام معانا أومال.. أنا واحدة بانتقدها يبقى مال أبويا ؟؟ طب وانت كمان مال أبوك؟؟ انا حرة انتقدها بمزاجى طب ما فى ناس بتتنقدنى اطلع أقولهم مال أبوكم ؟؟

وأضافت سما: "اختشى على دمك كل واحد له حق النقد طالما مابيجرحش فى حد.. ايه هندبح الناس ونجيب سيرة أبوهم وأمهم علشان بينتقدونا؟؟ أنت عاجبك الموضوع ولا هى صاحبتك انتوا أحرار لكن هتجيب سيرة الأب والأم هنجيب سيرة أبوك وأمك دا لو انت قلت كده بجد؟؟..

وتابعت سما موجهة حديثها لميدو: "وبعدين بتقول اللى بينتقدها يتمنى يبوس رجليها، ليه يا حبيبي رجل شجرة الدر ولا إيه ؟ أنا بانقدها أهو بس ماعرفش بوس الرجلين، فى ناس تانية اللى تعرفه، ولو مفيش نقد ولا محاسبة لحد كلنا نمشى وهو بيكلم المصريين خلو عندكم دم شوية".

واختتمت سما: "بلاش التعالى ع الناس دا.. لبس زفت قلنا لبسها وحش.. ما كفرناش يعنى بتدخل الأب والأم فى الموضوع ليه باه ؟؟ عيب على اسمك وتاريخك تتكلم كده مع الناس.. أنت بتكلم بنى آدمين ذيهم، أنت مش أحسن منهم، ولا على راسك ريشة ياسى كابتن انت".