أمير مرتضى يوجه رسالة للاعبي الأهلى قبل مواجهة الترجي

قام أمير مرتضى المشرف العام للفريق الاول لكرة القدم بنادى الزمالك ، بتوجيه رساله هامة للاعبي الاهلي ، قبل ساعات قليلة من خوض مباراة اياب دورى أبطال أفريقيا ، مساء الليلة الجمعة ، أمام الترجى التونسي على ملعب رادس .

وكتب أمير مرتضى ، عبر صفحته على موقع التواصل الاجتماعي الفيس بوك : " اي بلد في الدنيا في الكويس و الوحش و التافه و الحرامي المواصفات دي مش مواصفات بلاد دي مواصفات بني ادمين و من الصعب اننا نحكم على بلد محترمة زي تونس علشان واحد تافه دمه تقيل .. لينا صحاب توانسة جدعان و محترمين عايشين في مصر كأنهم في بلدهم فا ياريت منغلطش في شعب كامل علشان واحد تافه مش بيمثلهم ... بالنسبة للمباراة اكيد نفسي اشوف الزمالك هو اللي بيشيل الكاس واكيد مش عايز المنافس التقليدي للنادي اللي بشجعه بيكسب البطولة لكن الاكيد برضه عمري ما هتمنى الاذى لجمهوره او لاعيبته أو لأي بني ادم مهم كانت جنسيته .. في الاخر ال ٧٤ و ٢٠ اتوجعنا عليهم و بندعيلهم و مش بنقول ده اهلى و ده زمالك بتمنى السلامة للفريقين و جمهورهم في الاخر دي مباراة كرة الاحسن يكسب بروح رياضية و بشرف .. مع اني زملكاوي متعصب وعمري ما هشجع الاهلي لكن لما بفتكر ان مصر محتكرة البطولات الافريقية على مستوى المنتخبات و الاندية بحس بفخر .. الزمالك عنده ٥ نجوم / الاسماعيلي نجمة / الاهلي ٨ نجوم = ١٤ نجمة "

#الخامسة_عشر_يا_مصر