فيديو| هجوم ناري لعبد الحفيظ على مرتضى: "لو ربنا رحمك مفيش مصري يدخل النار"

هاجم سيد عبد الحفيظ، لاعب الأهلي السابق، مرتضى منصور، رئيس نادي الزمالك، بسبب مهاجمته له وللأهلي، وهجومه الدائم على الكثير من الأشخاص وإيذائهم، وفق قوله.

وقال "عبد الحفيظ"، في برنامجه عبر قناة الأهلي، مساء الأحد: "إيه المتعة اللي بتلاقيها حضرتك لما تتكلم مع واحد أصغر من ابنك وتلاقي انتصار عليه، وتعمله قضية أو مشكلة أو تقطع رزقه وتتكلم على أمه أو اخته أو أسرته، إيه المتعة في دي خصوصا لو متكلمش عليك أساسًا".

وتابع: "أنا تحديدًا إيه اللي بيني وبينك، وأنا مش في مقامك وأنت اللي قلت كده السنة اللي فاتت لما قلت مين سيد عبد الحفيظ اللي اتكلم عليه، ولما اتكلم على حد يكون في مقامي".

وأكمل: "ماذا تغير حتى تتحدث عني، ثم تتحدث عن الأهلي، هذا هرم".

وأشار إلى تصريحات مرتضى منصور، التي قال فيها إنه لو كان مكان مجلس الأهلي، الذي حضر مباراة الأهلي وحوريا، ببطولة أفريقيا، وشاهد هتافات الجماهير المسيئة، لكان أخلى المدرج من الجماهير فورًا، وعلق "عبد الحفيظ"، قائلًا: "دا طبيعي إمال دورك إيه؟".

وانتقد الهجوم المستمر لمرتضى منصور، على الآخرين، قائلًا إنه الأمر بات مفرطًا للغاية وتجاوز كل الحدود، متابعًا: "إيه علاقة الأنساب والشرف والمكانة والأسرة".

واستطرد: "لو ربنا رحمك يوم القيامة مفيش واحد في مصر هيخش النار، لأنه إيه اللي ممكن واحد يعمله تاني غير اللي بتعمله، خوض في الأعراض والذمم سرقة نصب احتيال شرف لأي حد في الدنيا".

واختتم: "أنا في عمر أولادك وميفعش أدخل معاك كده، لكن كل مرة هتتكلم علي وتجيب سيرة الأم والأب، إحنا منقدرش نعمل كده علشان إحنا مؤدبين".