فايز يوجه رسالة للجماهير عقب نهاية مشواره مع الفراعنة

ودع محمود فايز مساعد مدرب المنتخب المصري الأول لكرة القدم الجماهير عقب نهاية عقد الجهاز الفني بقيادة الأرجنتيني هيكتور كوبر عقب نهاية المشاركة في كأس العالم روسيا 2018.



وخسر منتخب مصر بالأمس مباراته الأخيرة في المونديال الروسي أمام منتخب السعودية بهدفين مقابل هدف.



و كتب فايز عبر حسابه الرسمي على موقع التواصل الإجتماعي فيس بوك: امبارح كان اخر يوم في عقدنا مع المنتخب المصري... احلي ٣ سنين ونص في حياتي.. بين اهل بلدي ووطني... حلمنا... فرحنا... بكينا... مشاعر كتير عشناها مع بعض... كنا نتمناها نهايه بشكل اخر.. بشكل افضل".



تابع :" حزنا لحزنكوا... زعلنا لزعلكوا...بس والله اجتهدنا و حاولنا و اخلصنا... بكيت اد ما عمري بكيت في حياتي... علشان المره دي مختلفه... المره دي ليها علاقه بالوطن و الاهل و الاسره".

أكمل :" اخطاءنا..! سوء توفيق..! قلة خبرات..! نعتذر للناس اللي زعلناها... وشكراً ليكوا كلكوا...!! بس بالله عليكوا لازم تقفوا ورا فريقكوا... ورا لاعيبتكوا... دعموا اولادكوا".



تايع :" ابنك لما يقع بعد اجتهاد و تعب و عرق حتي لو اخطأ..!!! بتدبحه..؟ دعمه... اسنده.. اقف وراه... هيقوم تاني و ينجح تاني ؛ دعوا العلم مرفوعاً... علم مصر اترفع في اكبر حدث رياضي منذ ٢٨ عام وان شاء الله هتكرر كتير".



أتم :" ابنوا و متهدوش... مصر عرفت طريق العالميه والقادم افضل باذن الله دعوا العلم مرفوعاً".



وودع منتخب مصر نهائيات كأس العالم 2018 بروسيا من الدور الأول بعد تلقيه ثلاث هزائم أمام أوروجواي وروسيا والسعودية.