"لاعب جامد".. شوبير يفاجئ نجم الأهلي بتصريحات مثيرة

تغزل الإعلامي أحمد شوبير في نجم فريق النادي الأهلي بعد الفوز على كيتارا الأوغندي 4-0 والتأهل إلى دور المجموعات في الكونفدرالية.

وقال شويير في برنامجه الإذاعي: حسين الشحات لاعب جامد جدًا، حتى لو بتقعده احتياطي بتستفاد منه لما بينزل وبيكون مؤثر، الشحات لعب ماتشين أساسي هذا الموسم، أمام بترول أسيوط في كأس الرابطة سجل هدفين، وإمبارح أمام كيتارا سجل هدفين.

وتابع: إذا ده لاعب مهم وضروري للفريق، متخسروش وخليه دايمًا ورقة رابحة للأهلي، فلازم تديله حقه، مش بيلعب أساسي ورغم كده كل ما تجيله الفرصة بيستغلها بشكل جيد.

وأضاف: كمان أفشة، مفيش مرة احتاجه عموته إلا لما كان حاضر سواء بالصناعة أو التسجيل، رغم الحملات اللي بتتعمل على أفشة، رغم أن الجماهير كانت طالعة بيه السما والقاضية ممكن والقصة والحدوتة.

واختتم: وهدف القاضية ده يخليه دايمًا وأبداً في قلوب جماهير الأهلي طول الوقت، آه يزعلوا منه لو كان وحش ومستواه متراجع لكن لما لعب كان جيد.