موقف صخرة الأهلي النهائي من المشاركة أمام الزمالك.. شوبير يفجرها

كشف الإعلامي أحمد شوبير عن موقف صخرة فريق النادي الأهلي من المشاركة أمام الزمالك في بطولة الدوري المصري الممتاز.

وقال شوبير في برنامجه الإذاعي: بالنسبة لياسر إبراهيم، هو حاليًا بيجري، لكن من غير جزمة كرة، وممكن يكون بيجري حافي أو بالشراب أو بجزمة كاوتش خفيفة.

وتابع: بحكم معرفتي بياسر، هو راجل جدًا في الحاجات دي، وممكن ييجي على نفسه ويلعب قصاد الزمالك وهو مصاب لو الفريق في أزمة والمشاركة متوقفة عليه، لدرجة إنه ممكن «يجبّس رجله وينزل يلعب».

وواصل: لكن لو فيه بدائل، وهادي رياض موجود مع ياسين مرعي، وأشرف داري ماشي بشكل كويس، فالوضع بيختلف، من وجهة نظري، فرص ياسر إبراهيم في اللحاق بالمباراة أقل من 50%، كنت شايف في البداية إنه ممكن يكون جاهز، لكن وفقًا للبرنامج العلاجي اللي شغال عليه، هو لسه ما دخلش التدريبات الجماعية بشكل كامل.

وأكمل: إحنا النهارده 6 أكتوبر، وبالتالي لازم يدخل التمرين الكامل تقريبًا يوم 8 علشان تكون عنده فرصة، وأنا لا أعتقد إنه هيلحق، وحتى لو دخل التمرين قبل المباراة بيوم واحد، مش شايف إن ده هيكون كافيًا لحسين عموتة، لذلك الأغلب، من وجهة نظري، إن هادي رياض هو اللي هيلعب بجوار ياسين مرعي.