شوبير يوجه رسائل نارية لإدارة الأهلي بسبب المدربين.. هل يرحل عموتة؟

وجه الإعلامي أحمد شوبير رسائل نارية إلى إدارة النادي الأهلي برئاسة محمود الخطيب بسبب الانتقادات الموجهة الحسين عموتة مدرب الفريق.

وحذر شوبير مسؤولي الأهلي من تكرار سيناريو تغيير الأجهزة الفنية داخل النادي خلال فترات قصيرة، مطالبا إدارة القلعة الحمراء بضرورة التحلي بالهدوء.

وقال شوبير، في تصريحات إذاعية: السؤال اللي بيشغل الرأي العام دلوقتي، هو الأهلي رايح على فين؟ في ناس كتير بتتكلم على تغيير تغيير، في تيار جارف بيتكلم عن التغيير.

وتابع: وهو أنت هتغير كل 5 ماتشات مدرب؟! ما انت عملت كده مع ريبيرو، وبعدها عماد النحاس ثم توروب، حصل لخبطة كتيرة في النادي الأهلي.

واختتم: مينفعش خالص كل كام ماتش نمشي مدرب، لازم يكون في تروي وهدوء، لكن ميمنعش إنك تقعد مع المدرب وتكلمه، جميل إنك تدي المدرب الصلاحيات الفنية كلها، لكن الأجمل إنك تقعد معاه وتشوف القصة إيه؟ لازم يكون في تواصل وحساب بين المسئولين والمدرب أول بأول ويشوفوا الأمور عاملة إزاي.