"700 جنيه يعملوا إيه".. أول تعليق من زياد حجاج لاعب المصارعة بعد هروبه

أطلق زياد حجاج لاعب منتخب مصر للمصارعة تصريحات مثيرة بعد هروبه من بعثة منتخب الشباب في بطولة العالم بسلوفاكيا.

زياد حجاج هرب من مقر بعثة منتخب مصر للمصارعة للشباب خلال توجههم لأحد التدريبات حيث أخبرهم بأنه سيلحق بهم ثم أغلق هاتفه واختفى.

وكتب حجاج عبر حسابه على فيس بوك: "انا اللاعب الدولي زياد حجاج أبو جبل لاعب منتخب مصر للمصارعة الحرة، أنا عايز أقول لأبويا وأمي ما تزعلوش مني أنا عملت كده علشان أبقى في نظر نفسي راجل مش هرجع مصر بلدي الحبيبة إلا وأنا مشرفها".

وواصل: "سامحوني أنا تعبت كتير وتعبت أبويا قوي معايا أنا كلفته كتير وهو معاه سبع أخوات غيري وما كنش ينفع غير إني أرجع مصر ومعايا الميدالية وإن شاء الله هيحصل، حبيت أطمنكم عليا إن شاء الله راجع لمصر وأنا بطل ومشرفها".

وأكمل: "بالله عليك يا حاج تسامحني وتدعيلي، أنا سفروني لوحدي من مطار القاهرة إلى سلوفاكيا وما حدش معايا من البعثه وما كانش في دماغي حاجة واتصلت بيهم وروحت على البطولة ولعبت وأنا كنت مصاب في الضلع اليمين وأصريت ألعب علشان أحقق حلمي وأجيب ميدالية لمصر".

وأتم: "أنا كل اللي باخده في الشهر 700 جنيه وأنا لاعب دولي هيعملوا إيه ولا إيه، ولكن أنا المسؤول عن القرار ده بعد الضغوط دي كلها ما كنش ينفع أرجع تاني أنا اتولدت مصارع وهعيش مصارع رفعت علم مصر وهيفضل مرفوع إن شاء الله، سامحوني ابن مصر زياد حجاج أبو جبل".