شوبير يكشف مفاجآت مدوية عن صفقات الأهلي الشتوية

تحدث الإعلامي أحمد شوبير، حارس مرمى الأهلي ومنتخب مصر السابق، عن الجدل الدائر حول صفقات الأهلي المحتملة في فترة الانتقالات الشتوية المقبلة خلال شهر يناير، موضحًا أن المسألة لا تتعلق بعدد الصفقات بقدر ما ترتبط باحتياجات الفريق الفعلية.

وقال شوبير في تصريحات إذاعية: "موضوع صفقات الأهلي مش مجرد التعاقد مع لاعبين وخلاص، لكن المهم إيه اللي الفريق محتاجه فعلاً".

وشدد" الأهلي محتاج رأس حربة بالتأكيد، وكمان ظهير أيسر بجانب محمد شكري، صحيح عندك كوكا ومصطفى العش ممكن يشاركوا في المركز ده، لكن الفريق في النهاية محتاج ظهير أيسر أساسي."

وأضاف: "في مركز قلب الدفاع، الأهلي عنده عدد كبير جدًا من اللاعبين زي ياسر إبراهيم، وياسين مرعي، وأشرف داري، وبيكهام، والعش، والشاب أحمد عابدين".

وواصل" فيه كلام كمان عن اتصالات مع محمد عبد المنعم لعودته في يناير، لكن بصراحة أنا ما تواصلتش معاه علشان أتأكد من صحة الكلام ده."

واختتم شوبير حديثه قائلًا: "الكلام عن إن الأهلي محتاج 9 لاعبين جديد مش منطقي، دي إشاعات. في النهاية، لازم تسأل نفسك هتجيبهم منين وليه، لأن الفريق مش محتاج عدد كبير، محتاج النوع اللي يضيف."