باسم مرسي يكشف سر أزمات الزمالك

تحدث باسم مرسي، نجم نادي الزمالك السابق، عن الأزمات التي يعيشها النادي الأبيض مؤخرًا، والفوارق الكبيرة بينه وبين النادي الأهلي، إلى جانب صعود بيراميدز كمنافس قوي بفضل إمكانياته المادية الضخمة.

وقال مرسي في تصريحات تليفزيونية عبر قناة «إم بي سي مصر»: "الناس كلها بتتكلم عن أشرف بن شرقي وزيزو وبتقول إن الزمالك خسرهم، طيب ميزانية الأهلي 8 مليارات، والزمالك كام؟ ملايين وديون، ومفيش حد بيقف جنبه".

وأضاف ساخرًا: "كل ما الزمالك يقف على رجله ويبدأ يستقر، المجلس يتحل وتتصدر له أزمات! ليه الأهلي لما صدر قرار بحل مجلسه، الوزير نفسه هو اللي مشي والمجلس رجع؟".

وتابع مرسي منتقدًا الوضع الإداري للنادي الأبيض: "الزمالك دايمًا بيتعطل في عز ما يكون بينافس الأهلي وبيكسب بطولات، تحصل أزمات مالية، واللاعبين يمشوا ويروحوا للمنافس اللي عنده كل أنواع الدعم".

وتطرق نجم الزمالك السابق للحديث عن بيراميدز قائلًا: "دلوقتي في نادي ثالث عنده فلوس، اللي هو بيراميدز، دخل المنافسة بقوة، وبقى بياخد مكان الأهلي مش الزمالك، لأنه معاه الإمكانيات اللي تخليه ينافس على كل البطولات".

وأردف: "بيراميدز فاز بدوري أبطال إفريقيا، والسوبر الإفريقي، وكأس الانتركونتيننتال، وهي بطولات كان الأهلي بيسيطر عليها زمان".

واختتم مرسي حديثه قائلاً: "بيراميدز هو أفضل نادٍ في مصر حاليًا لأنه يمتلك الإمكانيات المادية اللي خلتْه يتفوق حتى على الأهلي، بينما الزمالك محدش بيساعده، وكل مرة يحاول يقف على رجله ويتوج ببطولات، تتصدر له أزمة جديدة توقفه من تاني".