عاجل| تصريح ناري من نجم الأهلي بعد الخسارة أمام بيراميدز

الأحد 31/أغسطس/2025 - 03:59 ص
كتب: ابراهيم الخطيب
وان ثري| بوابة الرياضة المصرية
علّق سيد عبد الحفيظ، مدير الكرة السابق بالنادي الأهلي، على خسارة الفريق أمام بيراميدز بثنائية نظيفة، مؤكدًا أن ما يحدث حاليًا يُعد من أسوأ البدايات في تاريخ القلعة الحمراء.

وقال عبد الحفيظ في تصريحات تليفزيونية: «المشكلة مش بس إنك اتغلبت، المشكلة إنك مالكش لا شكل ولا روح. الفريق داخل الملعب تايه، مفيش هوية، مفيش شخصية الأهلي».

وأضاف: «هل ممكن الأهلي يرجع ويكسب الدوري؟ آه ممكن، لأن فيه عناصر مميزة، بس لازم تختار أحسن مدرب، مدرب فاهم الفرقة وعارف قدراتها. اللي ماسك الفريق دلوقتي مش عارف اللعيبة، بينزل أحمد رضا مكان تريزيجيه وهو عايز يكسب! الراجل مجاش».

ووجّه عبد الحفيظ انتقادات لاذعة لبعض اللاعبين قائلًا: «أنا مش عايز لعيب يقول عايز أزود عقدي.. كسر حقك! إحنا عايزين لعيبة رجالة تاكل النجيلة، بغض النظر عن مستواهم، بس يكون عندهم روح وقلب، مش بالشكل اللي بنشوفه دلوقتي».

واختتم تصريحاته مؤكدًا أن "هوية الأهلي بتضيع"، مطالبًا بإعادة النظر في اختيارات اللاعبين والجهاز الفني قبل فوات الأوان.