"زمن العجايب".. رسالة غامضة لـ حارس الزمالك

أثار محمد صبحي، حارس مرمى الفريق الأول لكرة القدم بنادي الزمالك، جدلًا واسعًا برسالة غامضة نشرها عبر حسابه الرسمي على "إنستجرام"، تزامنًا مع الأنباء التي تتردد حول اقتراب رحيله عن صفوف القلعة البيضاء خلال فترة الانتقالات الصيفية الحالية.

وخلال الأيام الماضية، تزايد الحديث عن احتمالية انتقال صبحي إلى نادي بيراميدز، خاصة بعد تراجع مستواه مع الزمالك مؤخرًا.

وجاء في الرسالة التي نشرها عبر خاصية "الستوري": «متستغربش لما تلاقي حد بيكرهك وإنت معملتش له حاجة وحشة، ولا تتصدم لما تعمل الخير ويتردلك بالأذى، النفوس مش واحدة، وقلوب كتير مليانة حقد وغل. مش كل الناس هتحبك وتتمنى لك الخير».

وأضاف: «مهما كنت صادق وبتحب الخير، هتتشاف بشكل مختلف في عيون ناس كتير. تصرفاتك الطبيعية ممكن تتفهم غلط، حتى شهامتك ممكن تتحسب إنها تمثيل أو حب للظهور. مش الكل هيشوفك على حقيقتك، لأن البعض بيحكم عليك بطباعه هو».

وختم صبحي رسالته قائلًا:«إحنا بقينا في زمن العجايب، فتوقّع كل شيء. خليك ماشي زي ما اتربيت، وماتستناش خير من حد. متعافرش علشان تثبت لأي حد إنك كويس، مش مهم تكون إيه في نظر الناس، لأن ربنا هو الأهم، هو اللي شايف قلوبنا ونوايانا، ومفيش غيره يهم».