"مبسوط ومليش مصلحة".. ميدو يعلق على ما يحدث في الزمالك

تحدث أحمد حسام ميدو، نجم الزمالك السابق، عما يحدث داخل النادي في طريقة إدارة الفريق الأول لكرة القدم داخل القلعة البيضاء خلال الفترة الحالية.

وكتب ميدو عبر حسابه الرسمي على منصة "إكس": "اللي بيحصل في الزمالك دلوقتي عظمة، وطول عمري بحلم إن فريق الكورة يتقفل عليه، ويبقى معسكر الزمالك كأنه ثكنة عسكرية، وأنا متفائل خير إن فريق الكورة على الطريق الصحيح".

وأضاف: "بقالنا سنين بنعاني من تسريب أخبار الفريق، وبقالنا سنين بنعاني من الناس اللي فاكرين الزمالك ورث شرعي، وإن الشغل فيه حق مكتسب حتى ولو ماعندكش أي مؤهلات".

وتابع: "أنا والله ما ليا مصلحة مع أي حد جوه النادي دلوقتي، ولا حتى بتكلم مع أي حد جوه النادي، لا بكلم حد ولا برد على حد، وقررت إن الفترة الحالية أرجع مشجع بس.. أرجع أروح ماتشات الزمالك من غير ما يكون ما بيني وبين أي مسؤول في النادي أي كلام".

واختتم: "وأنا كزمالكاوي مبسوط جدًا ومتفائل إن شاء الله الزمالك بنظامه الاحترافي الجديد هيكون منافس قوي على كل البطولات اللي هيشارك فيها الموسم ده".