«مرتضى»: هي دي فلوسك يا خالد ؟.. دي فلوس الأعضاء .. هو مجلس الإدارة طراطير؟..فيديو

وخلال هذا الفيديو شن مرتضي منصور هجوما حادًا على وزير الشباب والرياضية المهندس خالد عبد العزيز، ببعض العبارات التي تحمل كثير من الانتقادات لصفته كوزير للرياضة.

وأشار مرتضي منصور خلال الفيديو: "شوفوا حساب لنادي الزمالك يكون ممدوح عباس نسي يحط فلوس فيه، فوجدوا حساب بنك مصر فرع المهندسين، لو هو الموضوع عادي كانوا حطوا الفلوس في أي حساب ويتحجز عليها، لكن هو رئيس الوزراء خاف على فلوس النادي، وحافظ عليها، لما جت اللجنة هنا وكشفنا سرية الحسابات.. هاني ظاظا يستلم الفلوس الساعة 9 الصبح يوم واحد يناير، 9 وخمسة بيسلمها دولارات للنادي، محدش ليه عندنا حاجة، إحنا أشرف منهم كلهم، بدل ما نقول لهاني متشكرين على اللي أنت عملته لأ بهدلة ونيابة ويجي يقولك نشوف الحسابات، اتنين بيقولك هو إنت ليه محطتش الفلوس في البنك عشان تأخد الفايدة".

وأضاف: "إنت عبيط يا ابني .. إذا كان الأصل محجوز عليه.. يعني هو هياخد الـ200 مليون ويقولي خد فايدة 300 ألف، إحنا هنهرج، إيت التسقيطة دي.. أنا اتفقت مع وزير المالية في حضور رئيس الوزراء، من حوالي 3 أشهر هدفع 3 ملايين وهقسط الباقي، وأستاذ خالد دفع 40 مليون، اتفقت مع الدكتور غادة والي 500 ألف أستاذ خالد اداها 10 مليون".

وتساءل مرتضى منصور: ".. إحنا مش طراطير.. وجمعية عمومية محترمة لن تسمح بهذا الفساد.. هو حضرتك جاي تحافظ على أموال النادي، ولا جاي تبعتر أموال النادي، وبعدين إذا كانت الضرايب ليها فلوس، أنا عامل طعن مش تستنى الطعن، وبعدين اللي أهدر 984 مليون جنيه.. فين البلاغ مبيتحقش في هليه.. إنت جاي تحقق مع اللي وفر 200 مليون جنيه وسايب اللي أهدر مليار.