"ماشية بالمزاج".. شوبير يفتح النار على مسؤولي اتحاد الكرة ورابطة الأندية

فتح الإعلامي أحمد شوبير النار على مسؤولي اتحاد الكرة ورابطة الأندية بسبب القرارات الغريبة والتي آخرها إلغاء الهبوط في دوري هذا الموسم.

وقال شوبير في تصريحاته عبر إذاعة "أون سبورت إف إم": "الكرة في مصر ماشية بأمزجة، مش بسياسات على حسب رغبة صاحب المحل، وكل مرة بنسمع نفس الكلام نرغب في توسيع القاعدة، نشر اللعبة، تثبيت عدد الممارسين لكن الواقع مختلف."

وأضاف: "القرارات بتتغير حسب الأشخاص، ودايمًا صاحب القرار بيكون مفصل على مقاسه، ده عايز هبوط، وده صعود، وده يقلل، وده يزود، مفيش معيار ثابت، ومفيش تخطيط."

واختتم: "ممنوع نادي شعبي ينزل ولو استثماري يهبط ويروح في داهية، مش فارقة! ليه؟ لأننا قولنا: لا اقتراب من الأندية الشعبية، هي دي السنة الحميدة."