"إلغاء الهبوط واللهو الخفي بيشتغل".. شوبير يكشف كارثة تهدد الكرة المصرية

فجر الإعلامي أحمد شوبير، مفاجأة من العيار الثقيل بشأن كارثة تهدد مستقبل الكرة المصرية في الفترة المقبلة، في ظل التفكير في إلغاء الهبوط هذا الموسم.

وقال شوبير عبر إذاعة "أون سبورت": "بقول من بدري، احنا داخلين على مصيبة سودة في الدوري العام، اللهم بلغت اللهم فشهد".

وأضاف: "الموسم اللي احنا فيه دلوقتي استثنائي والدنيا صعبة، وقلت في أول السنة فكرة اننا نلعب الموسم الجاي دوري من 19 فريق كارثية".

وواصل: "الاتجاه دلوقتي في فكرة "كيف يتم إلغاء الهبوط" احنا في كارثة هتحصل قريبا، وهتشقلب نظام الكرة المصرية بالكامل، تغيير نظام كرة القدم في مصر لما هو أسوأ، في لوائح ونظام طبقهم عشان ننجح، نحن على اعتاب كارثة تنظيمية كارثية، وبقول للمهندس هاني أبو ريدة من دلوقتي حط انت ايدك في الموضوع، بلاش الناس اللي من برا بتشتغل اللهو الخفي دون أي صفة رسمية".