أول رد فعل من الزمالك على أنباء انتقال زيزو إلى الأهلي

كشف أحمد سليمان عضو مجلس إدارة نادي الزمالك، عن مصير أحمد سيد زيزو جناح منتخب مصر في الفترة المقبلة.

الزمالك يفتح الباب أمام بقاء زيزو رغم أنباء مفاوضات الأهلي

وقال في تصريحات اذاعية "كلي ثقة في الناس اللي بتدير الملف لجنة التخطيط واستاذ ممدوح عباس، زيزو يستحق".

وأضاف "ملف زيزو اتفتح كتير بس الظروف المادية بتاع النادي، الحديث عن اقترب زيزو من الأهلي اتقال كتير بس عندي ثقة في الناس اللي بتدير الملف".

وكشف "زيزو جاله عروض كتيرة لما يوصل 65% من اللي جاله محدش يبصله في اللي هياخده".

وأوضح "بعد ماتش المنتخب هنقعد مع زيزو، فيه اندية منافسة لسه لاعبتها مجددتش وعندنا في الفريق فيه لاعيبة مجددتش".

وتابع "سيبوكم من الرغي قعدة بسيطة الأمور هتتم مع زيزو، كلي ثقة ان زيزو يستمر في الزمالك، وقلقان عشان زيزو بيجيله عروض كتير وأجلها وكان ممكن يتمسك بيها".

وزاد "معنديش فكرة بعرض الأهلي وبيراميدز والعين للتعاقد مع زيزو، محدش يبص للرقم اللي هياخده زيزو لو جدد مش هيوصل للرقم اللي كان هياخده لو مشي".