شوبير ينتقد مجلس الزمالك بسبب "الصخرة".. ماذا قال؟

هاجم أحمد شوبير مسؤولي فريق الكرة الاول بنادي الزمالك في ظل رغبتهم في في إعادة مدافع الفريق السابق والاتحاد السكندري الحالي محمود علاء.

وقال شوبير في برنامجه الاذاعي: محمود علاء كان في الزمالك والزمالك مشاه وراح السويحلي الليبي وعمل موسم كويس جدا مع الاتحاد السكندري فالزمالك صمم على إعادته.

وأضاف: اللاعب رجع وبعد ما رجع الناس هاجمته، وكان بيتعامل معاملة وحشة جدا على السوشيال ميديا ورجع مضى في الاتحاد السكندري.

وتابع: طلع محمد أحمد سلامة عضو مجلس إدارة الاتحاد قال مستحيل محمود علاء يرجع الزمالك، هو جاله عرض بعد فسخ تعاقده مع السويحلي الليبي لكنه فضل الاتحاد ووقع وخد مقدم العقد.

وواصل: يا مجلس الزمالك ما أنت إللي مشيته عايزه تاني ليه هو الراجل اتعامل في الاتحاد السكندري أحسن معاملة وشعر أنه ملك هناك من تعامل الناس الجيد معاه، يا جماعة فيه ثوابت احنا متخيلين إن إحنا اللي بنحاسب، الأمور دي بتضايقني جدا والله.