شوبير يفتح النار على جماهير الأهلي.. رسائل مدوية

هاجم الإعلامي أحمد شوبير، جماهير النادي الأهلي بعد الأحداث التي شهدتها مباراة الفريق أمام شباب بلوزداد في دوري أبطال أفريقيا أمس الأحد.

وحقق فريق الكرة الأول بالنادي الأهلي فوزا كبيرا على نظيره شباب بلوزداد الجزائري، بسداسية مقابل هدف وحيد، وشنت الجماهير هجوما على اللاعبين قبل انطلاق المباراة.

وقال شوبير في برنامجه الاذاعي: "عايز أتكلم بصراحة شوية قد تغضب البعض وقد تسعد البعض قبل المباراة قلت يارب أي مكسب ولو واحد صفر في ظل الظروف الصعبة اللي بيمر بيها الأهلي، ولما دخل فينا جون بعد 20 دقيقة قولت يارب نتعادل ولما بدأت المباراة عدد الجماهير كويس وبعض الهتافات واللافتات قبل المباراة تعدي، إنما الأمور تتجاوز ده مش كويس".

وأوضح شوبير: "الأهلي كسب 6 وحصلت مصالحة داخل الملعب، والجماهير غاضبة بس فيه حدود يا جماعة خلينا نعرف المشجع مشجع واللاعب لاعب والمدرب مدرب، إنما يا جماعة تدوس على اللاعيبة ده مش كويس ومش طول الوقت تفضل حاطط السكينة على رقبتي".

وتابع شوبير: "القصة دلوقتي بقت محمد رمضان لازم يمشي وكهربا لازم يمشي، لا يا جماعة فيه حاجة مش طبيعية بتحصل أنا بتكلم جد أنا مش مصدق ومستغرب جدا، جمهور الأهلي لازم يكون مساند إنما فيه أيه يا جماعة فيه ريحة مش حلوة كده".