"اللي غلط يتحاسب".. شوبير يكشف تطورات أزمة لاعب كفر الشيخ

تحدث الإعلامي أحمد شوبير عن قرار وزير الرياضة الدكتور أشرف صبحي التصعيد في واقعة محمد شوقي لاعب كفر الشيخ، وفتح تحقيق في الأمر وإحالة نتائجه إلى النيابة العامة.

سقط محمد شوقي إثر توقف قلبه خلال مباراة فريقه كفر الشيخ أمام القزازين في دوري المظاليم، ومن وقتها وهو في غيبوبة في المستشفى.

وقال أحمد شوبير في برنامجه الاذاعي ان محمد شوقي لاعب نادي كفر الشيخ يرقد في حالة صعبة جدا في مستشفى الزرقا في دمياط وأشرف صبحي أحال الواقعة إلى التحقيق وقرر تحويل نتائج التحقيق إلى النيابة.

وتابع شوبير: الدكتور حازم خميس رئيس اللجنة الطبية بوزارة الرياضة قال إن فيه تعليمات للأندية لابد من تطبيقها في إجراءات السلامة للحفاظ على صحة اللاعبين، وعايز أقول لكم بقه إن التعليمات دي عبارة عن خطابات تصل للاتحادات والأندية ولكن في النهاية حبر على ورق الجواب وصل علم ولا ينفذ كان زمان علم وينفذ، حصل عندنا مصيبتين في أقل من سنة وشفنا إيركسن لاعب الدنمارك رجع يلعب تاني، ومن يومين مساعد مدرب المجر سقط وقام وبقى كويس دلوقتي، إنما عندنا هنا كل واحد عايز يخلي نفسه من المسؤولية يبقى مينفعش إحنا عايزين هذا الأمر ما يتكررش كل شوية، ومن ساعة قصة أحمد رفعت وكله بيدور على كبش فداء كل شوية وبيهرب من المسؤول الحقيقي وهو الإهمال، واللي غلط لازم يتحاسب.