زعلان منك.. رسالة مثيرة من شيكابالا إلى إمام عاشور

كشف إمام عاشور لاعب الأهلي ومنتخب مصر عن علاقته باللاعبين في نادي الزمالك بعد انتقاله للمارد الأحمر.

وقال إمام عاشور في تصريحات ببرنامج "حارس الاهلي": "لاعيبة الزمالك كلهم اصحابي وساعة إصابتي الاخيرة والموقف اللي حصل امبارح ناس كتير كلمتني من اللاعيبة لكن شيكابالا لا مكلمنيش وعلاقتي مقطوعة معاه الفترة الاخيرة".

وتابع: "محصلش معاه خلاف، وفي ماتش الكأس كان الكرة اللي جيه اتكلم معايا فيها كانت كرة كورنر ليهم وانا راجع ع التمنتاشر قالي انا زعلان منك عشان انا بكلمك وانت مبتردش.

وأضاف: "قولتله وانا كملتك كذا مرة وانت مردتش عليا، في اللقطة التانية دونجا كان عمال طول الماتش يضرب فيا لقيت شيكابالا واقف لما قومت قولتله خلي بالك عشان دونجا عنده انذار وهخليه يخود التاني وهيتطرد، راح بصلي وضحك وقاله قوم يا دونجا،، دة اللي حصل".

وكان الأهلي تعاقد مع إمام عاشور من نادي ميتلاند الدنماركي في صفقة أثارت ضجة كبيرة في الوسط الرياضي.