‏أنا شخص بارد.. نجم الأهلي يكشف تفاصيل خناقة شيكابالا في السوبر

كشف رامي ربيعة مدافع النادي الأهلي كواليس خناقته مع محمود عبدالرازق شيكابالا قائد فريق الزمالك في نهائي كأس السوبر المصري بالامارات.

قال رامي ربيعة عبر تصريحات تليفزيونية :

‏مش بيفرق معايا كلام الناس لأن لو كان بيفرق معايا كنت بطلت كورة ، ياعم أنا مبعرفش ألعب متشجعش النادي طول ما انا موجود فيه طالما شايفني مبعرفش ألعب ، انا شخص بارد بقرأ الكومنتات وبقعد أضحك .

تابع رامي ربيعة : لو جالي عرض ضعف فلوس الأهلى حاليا من الزمالك أو بيراميدز أو أي فريق ..

استطرد: أنا معايا 6 ألقاب إفريقيا إيه اللي هيخليني أنضم لـ نادي بطولاتي أكتر منه ؟ مع احترامي لكل الأندية .

وعن أزمته مع شيكابالا في السوبر المصري قال :

‏ربما يكون فهم طريقة احتفالي بالخطأ ، هو شخص غيور على فريقه ، وأنا احترمه فهو أول شخص استقبلني في البرتغال في بداية رحلة احترافي ، ولكن لم يتطور الأمر ولم يحدث بيني وبينه أي اتصال بعد الواقعة دي ، ولكن لا توجد مشكلة بيننا.

واصل رامي ربيعة : والد زوجتي، الله يرحمه، كان زملكاوي متعصب، وأخوها زملكاوي بشكل رهيب، وممكن يعيط لما يخسر مننا.

‏وأكمل رامي ربيعة :
‏كنا رايحين نعمل عمرة بعد ماتش الزمالك، لقيت واحد بيقولي مبروك عليك الخسارة واللي يعملي حركة "النوم" واللي يقولي إيه دا أنت صحيت، عايز أقوله إنت جاي تعمل إيه هنا يا حبيبي أنت جاي تعمل عمرة ولا تتخانق.