أول رد فعل من نجم الزمالك بعد فسخ عقده.. تفاصيل مثيرة

قرر مجلس إدارة نادي الزمالك فسخ التعاقد مع مدافع الفريق بشكل رسمي، وذلك بعد تعثر رحيله عن الفريق.

وكتب محمد طارق عبر صفحته عبر الفيس بوك "بعد إغلاق القيد عاوز أقول كلمتين أولا بلاش تتخدعو في الناس والواحد مكنش محتاج حاجه من حد غير شويه احترام وإحترافية في التعامل لكن ده محصلش وانا مبحبش اتكلم كتير بس النهارده انا شبه هقعد شهرين بدون نادي".

وكشف "لكن تعالو نعكسها كده لو أنا لاعيب وسبت النادي بتاعي وهو محتاجني أوي وروحت نادي تاني علشان فلوس أو غيرو الناس والجمهور بيقلبو الدنيا أما لما النادي إلى اتربيت فيه ولعبت وكسبت معاه بطولات وجزء ولو صغير من النادي وابن النادي وأكون راجع من أولمبياد وارجع علشان انزل التمرين واكلم المسؤولين وشهرين محدش يرد ولا يتواصل معاك".

وأوضح "على فكره معنديش مانع تفسخ معايا عادي جدًا هي ديه الكورة وده جزء من الاحتراف لاكن انتو لا ترتقو انكو تكونو مسؤولين في نادي كبير ولا تعرفو يعني ايه احترام للاعب الصغير قبل الكبير عكس أي نادي تاني".

واختتم "لكن الجمهور واللاعبين أحب أشكرهم على كل يوم قضيته داخل النادي وبحبكو جدا وشكرا على كل الحلو إلى عشته والبطولات اللي خدناها سوا وأسف لو قصرت في يوم من الأيام".