بسبب رمضان والسعيد.. مدرب بيراميدز يفتح النار على عضو الزمالك قبل موقعة السوبر

حرص محمد ناجي جدو مدرب فريق الكرة بنادي بيراميدز على توجيه رسالة إلى أحمد سليمان عضو مجلس إدارة نادي الزمالك قبل مواجهة الفريقين في كأس السوبر المصري.

وكتب محمد ناجي عبر حسابه على تطبيق إكس: الكابتن أحمد سليمان طلع امبارح وهاجم بيراميدز وأندية الشركات قال علامات استفهام علي بيراميدز عشان مش بيدوهم لاعيبة وإنهم بيشتروا لاعيبه وأنهم بيصرفوا كتير وبيدخلهم فلوس قليلة ومش بيسيبوا لاعيبة تحترف

وتابع: أولاً بيراميدز اداهم عمر جابر ودونجا وعبدالله السعيد وهما دلوقتي أحسن لاعيبة في الزمالك وهل لو بيراميدز كلم الزمالك إنهم عايزين زيزو مثلا الزمالك هيوافق؟ وما سيبتش زيزو يحترف ليه؟! ثانيا طبييعي إن بيراميدز يشتري لاعيبه ويقوي القايمة زي كل الفرق.

وأضاف: ثالثا ممكن تقولنا يا كابتن احمد الزمالك بيصرف كام و بیدخله كام و هل بيكسبوا فلوس من الكوره اكيد لا، الزمالك دفع اكثر من مليار جنيه غرامات بس !! ف ممكن تقولنا الكوره في الزمالك بتكسب كام !!.

واستكمل : رابعا من أول المجلس نجح في الانتخابات و كل لقاء تليفزيوني من أول الرئيس لأصغر عضو بيتكلم عن رمضان وعایزین رمضان صبحي مع إنه متعاقد مع النادي لمده 3 سنوات ودي حاجة عمري ما شوفتها في أي حتة في العالم لا في مصر ولا بره مصر، إن مسئولين نادي بيتلكموا عن لاعب في نادي تاني وتعاقدوا ساري لمده 3 سنوات، بصراحة انتوا اللي عليكم علامات استفهام.