رفضت الزمالك وفضلت الأهلي.. أحمد قندوسي يوجه نصيحة لكهربا ويكشف فضيحة الوكلاء

فجر الجزائري أحمد قندوسي لاعب نادي سيراميكا كليوباترا عديد المفاجآت حول انتقاله الي نادي الزمالك ونصيحته الي محمود عبدالمنعم كهربا نجم النادي الأهلي.
قال أحمد قندوسي عبر تصريحات تليفزيونية : "سامي قمصان قالي لو رجعت الأهلي يا قندوسي السنة دي مش هتستفاد" وانا عايزك تلعب في المنتخب.

أردف أحمد قندوسي: بحب جماهير الزمالك وهي محترمة وبتقابلني باحترام "
وقال أحمد القندوسي عن عدم الاحتفال أمام الأهلي: مش هعرف أعمل كده لإنه النادي بتاعي.. وهما بيقولوا القندوسي ابننا
تابع: القندوسي: فيه ناس بتقولك انا هقعد في الأهلي أنا باخد بطولات ليه أقعد في الأهلي حتى لو مش هلعب وانا شايل ده حاجة غريبة اوي هتقعد ليه وانت مش هتلعب.
أضاف أحمد القندوسي عن الانتقال إلى الزمالك: هلعب عادي.. أنا ابن سطيف والزمالك كان عارض عليا ضعف فلوس الأهلي ولو رحت الزمالك هلعب عادي لكني بحب الأهلي.

ووجه أحمد قندوسي لاعب سيراميكا كليوباترا رسالة الي محمود عبدالمنعم كهربا وقال : نصيحتي لكهربا؟ اتجوز.

أسهب أحمد قندوسي:

عشان اللاعب ينضم للأهلي بيكون في وكلاء لاعبين لازم تعدي عليهم وتكلمهم وياخدو نسبة أو مش هتنضم للأهلي.
‏
‏وقال أيضا: هناك وكيل معين ده لازم ياخد نسبة وده إللي حصل معايا

واصل أحمد قندوسي لاعب سيراميكا كليوباترا:
‏فضلت الإعارة من النادي الأهلي حتى لا أجلس على دكة الاحتياط، لأني أحب المشاركة بشكل دائم.

وأكمل : هذا الموسم قيل لي أن طريقة لعبي لا تناسب خطط كولر، فأكملت في الإعارة حتى لا أفرض نفسي وتلقيت عرضًا إنجليزيًا وفضلت النادي الأهلي.

واختتم أحمد قندوسي لاعب سيراميكا كليوباترا حديثه قائلا :

‏عبدالله السعيد يلعب وكأنه في الـ 25 من عمره ويبذل مجهود كبير بالملعب.