شوبير يوجه رسالة نارية لمنتقديه بعد واقعة سحر مؤمن زكريا

وجه الإعلامي أحمد شوبير رسالة نارية إلى منتقديه بعد واقعة سحر مؤمن زكريا لاعب الاهلي السابق بسبب هجومه على صاحب الفيديو.

وقال شوبير في تصريحات إذاعية: الولد التربي اللي اكلمت عليه إمبارح، بشوف ردود الفعل على اللي أنا قلته لقيت هجوم عنيف يقول لك السحر موجود في القرآن.. يا جماعة أنا قولت اللي الناس قالته ومش عارف ايه علاقة مجدي عبدالغني، بس اللي عمل الموضوع ده عمله بذكاء شديد جدا.

وأضاف: وزارة الداخلية بعد التحقيق في الفيديو المنتشر والفحص تبينت الأجهزة الأمنية أن الفيديو مفبرك وورائه عامل مدافن اختلق الواقعة بالاشتراك مع نجله وشخصين وسيدة ومع علمه بمرض بمؤمن زكريا اختلق الموضوع واستغل مقبرة مجدي عبدالغني لإلصاق الواقعة به.

وتابع: كان بيهجموني ليه بقه بس القصة كلها إن التريند مجننا وطبعا فيه أرباح بتيجي من المشاهدة والقصة والحدودتة، ولقيت اللي بيكتب لي وأنت بتدافع عن مجدي عبالغني ليه، تغييب كامل للعقل الحاجات دي كنا بنسمع عنها من زمن الزمن لازم نكبر ونهدى وخلاص بقه الخزعبلات والكلام الفارغ ده.