حسين الشحات يوجه رسائل مؤثرة بشأن أزمات فتوح والشيبي ورحيل أحمد رفعت وايهاب جلال

تحدث حسين الشحات نجم النادي الأهلي عن أزمات رحيل أحمد رفعت وإيهاب جلال إضافة إلي أزمة أحمد فتوح لاعب الزمالك وكذلك أزمات مع المغربي محمد الشيبي نجم نادي بيراميدز

قال حسين الشحات عبر الصفحة الشخصية بموقع التواصل الاجتماعي فيسبوك:

بسم الله الرحمن الرحيم

{واتَّقُوا يَوْمًا تُرْجَعُونَ فِيهِ إِلَى اللهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ}

أنا عايز اتكلم في موضوع كلنا بقينا بنتكلم فيه بس محدش حساس بحاجة الموت بقي قريب مننا كلنا وناس كتير بقت تموت من كتر الضغط النفسي وشوفنا اخونا وصاحبنا احمد رفعت ربنا يرحمه يارب
وشوفنا الأب الروحي الكابتن ايهاب جلال ربنا يرحمه يارب.

تابع: وانا كنت من فتره قريبة وقت مشكلتي مع الشيبي كان عليا ضغوط ربنا وحده اللي كان عالم بيها وطلعت واعتذرت.

اضاف: ودلوقتي مش عايزين نوصّل موضوع اخويا احمد فتوح لكده ونرجع نقول بعد كده ياريت كنا خفينا عليه، فتوح غلط وقال انا غلطان مش لازم نتكلم ونقول لا انت غلطان ونضغط عليه اي راجل لما بيطلع يعتذر ويقول انا غلط سامحوني، اولا دي حاجة كبيره جدا عند ربنا والراجل طلع وقال أنا غلطان وعايز يروح لاهل المتوفي ربنا يرحمه يارب ويصبر اهله واولاده يارب.
استطرد: مش كل شويه نطلع ونقول حسين انت شتمت حسين انت غلط نفس الكلام برده فتوح مش كل شويه نطلع ونقول انت غلطان ادعي لفتوح ربنا يهديه ويسامحه ادعي لحسين ادعي لاي إنسان بيغلط ربنا يهديه و يسامحه.
واصل: كل بني آدم خطاء وخير الخطائين التوابون )
ربنا يهدينا جميعا ويسامح الجميع يارب
الدنيا مش مستاهله ( واتقوا يوما ترجعون فيه إلى الله ثم توفى كل نفس ما كسبت وهم لا يظلمون) فَمَا ظَنّكُم بِرَبّ العَالمِين.

أكمل : اللهمّ إنّا نظن بك غفراناً وعفواً... وتوفيقاً ونصراً.. وثباتاً وتيسيراً.. وسعادةً ورزقا.. وشفاءً وحُسْنَ خاتمة..وتوبةً نصوحاً وعتقاً من النار..فهْب لنا مزيداً من فضلكَ.. يا واسِع الفضل والعطاء..
واختتم حديثه قائلا: اللهم فرج كرب المكروبين واقض حاجات السائلين وتب على العصاة والمذنبين من أمة محمد اجمعين يارب العالمين.
قولوا آمين