السولية مبيضحكش ودي حاجات ربانية.. أبرز 5 تصريحات ساخرة لأفشة ‏

أطلق محمد مجدي أفشة لاعب فريق الكرة الأول بالنادي الأهلي العديد من التصريحات الساخرة خلال حواره عبر إحدي القنوات الفضائية.

وسخر أفشة من نيولوك حلاقة محمد صلاح نجم نادي ليفربول الانجليزي ومنتخب مصر الوطني .

كما كشف أفشة سر عدم ضحك عمرو السولية نجم النادي الأهلي منذ انضمامه للقلعة الحمراء.

موقع وان ثري يستعرض خمس تصريحات ساخرة أطلقها أفشة خلال حواره بإحدي القنوات الفضائية.
‏
‏ علق أفشة بسخرية علي جملة الخوف من بكرة مش من اللي جاي ؟! وقال: دي حاجات بتطلع ربانية أنا عندي حاجات كتير بتطلع بس مش متصورة.

‏اضاف: عمرو السولية هو الوحيد اللي مبيضحكش في الفريق، فيه مرة في التمرين مترجم المدرب بيقول المرمى اللي هنجيب فيه جول هنعمل له بلوك، روحت قايل وأنا هروح أعمل له فولو تاني، السولية راح ساب التمرين وجري ورايا في الملعب.

‏ووجه الإعلامي إبراهيم فايق لأفشة سؤالًا قائلا: محمد صلاح لو بيتفرج علينا تحب تقول له إيه ؟

‏ورد أفشة: محمد صلاح بعد ما حلق بقى شبهي جدا، وأنا مبسوط بالحلاقة الجديدة بتاعته .

‏وقال محمد مجدي أفشة لإبراهيم فايق : على فكرة أنا شاربلك قهوة

‏وأجاب إبراهيم فايق: مش باين .. القهوة دي مغشوشة

‏وقال أيضا أفشة: أتمنى ماكنش قولت حاجة تضايق حد انا بتكلم على طبيعتى والله.. انا مش هطلع فى برامج تاني .