شوبير لرابطة الأندية :" حرام الي بيحصل ده.. وسيحدث كارثة"

شن الإعلامي أحمد شوبير نجم الكرة المصرية السابق هجومًا قويًا على رابطة الأندية المحترفة بسبب مجاملة الأهلي والزمالك.

وقال شوبير في تصريحات إذاعية " حرام الي بيحصل للاعبي الدوري المصري هذا الموسم في الوقت الحالي عيدا عن الأهلي والزمالك، رابطة الأندية عايزة تخلص على اللاعيبة ونرجع تاني لكارثة أحمد رفعت، لاعب مودرن فيوتشر".

وشدد " فعلًا الي بيحصل في توقيت المباريات حرام جدًا لماذا تلعب الأندية في الرابعة عصرًا خلال هذه الدرجة الحرارة العالية وأراهن إن الأهلي والزمالك يلعبوا مباراة واحدة طول الموسم الساعة 4 بالوضع دا، والآخر عايزين أداء ومستويات قوية من اللاعبين".

وأضاف " يا جماعة مينفعش الي بيحصل ده رابطة الأندية لازم تراجع نفسها مرة تانية في توقيت المباريات، ودا طلب مش مستحيل لكن اللقاءات تلعب في هذا التوقيت في الحر دا حرام، وأراهن إنكم تطبقوه على الأهلي والزمالك".

وتابع " اعتبروا الأندية اللي بتلعب الساعة 4 دي الأهلي والزمالك، عاملين تفرقة ليه بين باقي الفرق وقطبي الكرة المصرية ولا عشان عندهم جماهير وإعلام، كل الفرق سواسية ومن حقها تلعب في أجواء طيبة أي كان مصيره بالدوري".

واختتم " غير مقبول من رابطة الأندية ما يحدث وهيبقى في كارثة منتظرة بسبب لعب الأندية في الجو الحر دا، وهتحصل كارثة زي اللي حصلت مع أحمد رفعت، وهتفوقوا على كارثة بسبب التعمد في توقيت هذه المباريات، لكن ممكن اللقاءات بدل ما تتلعب 4 تقام 5 مثلا".