احنا معندناش دوري وآجاي بيضحكني.. أبرز تصريحات نجم الأهلي عن مفاوضات الزمالك والقمة

فجر سعد سمير مدافع النادي الأهلي السابق العديد من المفاجأت حول مفاوضات الزمالك لضمه فضلا عن رؤيته حول مباراة القمة رقم 127.

قال سعد سمير عبر تصريحات تليفزيونية : عقلية كهربا وشخصيته اختلفت بعدما انتقل للنادي الأهلي ، وفنيا من المفترض أن يقدم مستوى أفضل أيضا،

تابع: موهبة صالح جمعة كبيرة، وأحيانا بيصعب عليك موهبته.

أضاف: مارسيل كولر مدرب منظم وناجح بنسبة100% وحقق كل المطلوب منه.

استطرد: أنا من طلبت الخروج من النادي الأهلي كنت أحتاج المشاركة وكنت عائد من إصابتين، وكابتن الخطيب طلب مني الاستمرار حتى نهاية عقدي لمدة موسمين لكني رأيت أن الوقت مناسب للرحيل.

وقال أيضا: لم أتمالك نفسي وبكيت لأول مرة عند تكريمي في اليوم الأخير لي بالنادي الأهلي لأنني تذكرت عمري كله داخل النادي.

واصل: أكرم توفيق بيصدق أي حاجة، وكنت بستغل ده، وكنت مفهمه إني بتكلم هندي، وكنت مفهمه إني خاطب ممثلة واضايق مني فترة عشان كان بيقول إنها مش شبهنا.

أكمل: أجاي على طول شايل الهم بس بيضحك هو لاعب جميل.

أتم: رمضان صبحي عمل فيا مقلب قبل كدة وفهمني إنه بيتخانق ورحت مكان الخناقة لقيته محل عصير وشربني 2 كوكتيل.

أردف: رمضان صبحي؟ من يومه وهو عنده قبول عند الناس وطبيعي إنه يكون اسمه متردد عند الناس خاصة بعد رحيله إلى بيراميدز، ورمضان بعيد جدا عن الكلام الخايب بتاع المنشطات ده هو مش محتاج حاجة، هو قوي بدنيا جدا.

وعن مباراة القمة قال: لقاء قوي وصعب على الفريقين وحالة خاصة بناء على 90 دقيقة فقط.

وأتم: خالزمالك لم يدخل في مفاوضات معي من قبل في أي فترة من الفترات.

وعن الجماهير قال: وجمهور المدرج مختلف وجمهور فاهم وعارف مين اللي ممكن يعمل لقطة على السوشيال ميديا تسمع مع الجمهور ومين اللي ممكن يشتغل في صمت.

واختتم حديثه قائلا: احنا معندناش دوري تحس إننا بنلعب ماتشات ودية فنيا وجماهيريا معندناش دوري والواحد حزين، ولازم نهتم بالملاعب أكتر من كدة.