برسالة مؤثرة .. إبراهيم فايق يعلن رحيله رسميا عن قنوات أون تايم سبورت

أعلن الإعلامي إبراهيم فايق، رحيله عن قنوات «أون تايم سبورتس»، بعد رحلة استمرّت 5 سنوات.

وكتب إبراهيم فايق، عبر صفحته على «فيس بوك»: «الرحلة هي الكنز.. والكنز عشرة وصحاب لقيتهم في جمهور التالتة.. مؤمن أن مفيش حاجة في الدنيا بتدوم بس اللي بيدوم المحبة والسيرة الحلوة».

وأضاف: «أنا اتشرفت اني دخلت المتحدة من ٥ سنين.. اجتهدت قدر ما مكنني ربي والحمدلله أصبت وأخطأت وكان ربنا دايما معايا. ولأن لكل مشوار محطة بيقف فيها، فمشواري مع جمهور التالتة بيقف النهاردة والحقيقة وأنا بودع أون تايم سبورت هيفضل في رقبتي دين كبير ليها بسبب النجاح اللي وصلت له من خلالها».

وأتم: «شكرا جزيلا لعمرو الفقي الرئيس التنفيذي للشركة المتحدة، شكرا لأسامة الشيخ رئيس قطاع الرياضة بالمتحدة، شكرا لألبيرت شفيق رئيس قطاع التلفزيون، شكرًا لحبايبي وزمايلي وإخواتي في الإعداد والإخراج والإنتاج والإضاءة والإكسسوار والتشغيل والتنفيذ.. هتوحشوني.. ويعلم ربنا مأثر فيا قد إيه أني مش هشوفكم زي ما كنت متعود».

وتابع : «وأخيرا شكرا كبيرة لك أنت عزيزي المشاهد والمتابع العظيم صاحب الفضل الأول والأخير بعد ربنا.. هتوحشني وإن أراد ربنا هنتقابل في محطة جديدة.. ونكمل المشوار سوا».