المتحدث الرسمي للزمالك يفتح النار على بعض القنوات الفضائية.. شاهد

شن الإعلامي أحمد سالم المتحدث الرسمي للزمالك هجومًا على بعض القنوات الفضائية.

وقال :"هي برامج الفضائح اياها افلست إعلاميا و مبقاش عندها أفكار غير انها تجيب ضيوف تلمعهم بأسئلة ركيكة متفق عليها
". مقابل إنهم يشهروا بنادي الزمالك ويهددوا استقراره؟؟

وتابع :"محدش قال لهم ان الأمانة و المهنية تحتم عليهم طرح الأسئلة اللي الجمهور عايز يعرف اجاباتها مش اللي الضيف عايز يسمعها ؟".

وأكمل :" لو مش فاهمين في الكورة ليه بيتكلموا فيها بسذاجة و سطحية ، الا لو كانت السذاجة دي مقصودة لاسمح الله؟".

وواصل :"بالنسبة ان عدد اندية كرة القدم في مصر حوالي ١٠٠٠ نادي منهم ١٨ نادي في الدوري الممتاز غير عشرات الأندية في دوري الدرجات الأولي و التانية و التالتة و الرابعة".

أضاف "ليه يا تري كل حلقات البرامج اياها متخصصة في أخبار و مشاكل الزمالك طوال رمضان دون غيره من الأندية ؟؟؟
للمرة المليون ....كلنا تركيز في دعم و مؤازرة جميع الفرق الرياضية بنادي الزمالك حتي يتحقق كل ما يتمناه جمهور الزمالك العظيم".