الأمر انتهي.. مترجم كولر يفاجئ جماهير الأهلي بشأن رحيل المدير الفني

ألمح خالد الجوادي، مترجم مارسيل كولر مدرب النادي الأهلي، لـ رفض مارسيل كولر مدرب القلعة الحمراء، الرحيل عن صفوف الفريق وفضل الاستمرار رفقة المارد الأحمر.

وكتب الجوادي عبر حسابه على فيسبوك: “بعد ماتش امبارح بدأ الجمهور يهتف لكولر قلت له الجمهور بينده عليك قال لي تعالي معايا الهتاف ده انت شريك أساسي فيه … قلت له لا ده نجاحك انت ومحدش له حق ياخد منك اللقطة دي”.

وأضاف مترجم كولر: “راح للجمهور وهو في قمة السعادة … وانا طلعت الموبايل وصورت الفيديو ده … فرحتي باللقطة دي محدش يتخيلها… فرحتي بفرحة ونجاح يستحقها أجمل إنسان ملهم قابلته في حياتي”.

وأوضح: “فرحتي بأعظم وأذكى جمهور في الكون اللي اختار توقيت التحية عشان يوجه ألف رسالة ابسطها شكرا للانسان اللي وقف معانا ومابعناش في زمن الكل بيبيع”.

واختتم: “شكرا جمهور الاهلي العظيم على لقطة عظيمة … شكرا مارسيل كولر انك خلتني اعيش التجربة دي … جسمي بيقشعر كل ما شوف الفيديو… يا رب دوما فرحة ونجاح … اهلاوي انا والفخر لي”.