عمرنا ما هننساك.. مدرب المنتخب يكشف تفاصيل جديدة في وفاة نجم الأهلي

كشف وائل رياض المدرب المساعد لمنتخب مصر الأولمبي تفاصيل جديدة في وفاة محمد عبدالوهاب نجم النادي الأهلي الراحل.
قال وائل رياض عبر الصفحة الشخصية بموقع التواصل الاجتماعي فيسبوك:
كنا سهرانين مع بعض بنحضر أغنية إعتزال سيد عبد الحفيظ ، قالي بات معايا النهاردة ونروح سوا التمربن الصبح قولتله يا بوبا اشوفك بكرة يا صاحبي وروحت البيت .
تابع: تاني يوم كنا في التمرين الساعة ٩ الصبح في التتش ، عملنا التسخين وبدأنا التقسيمة ومرة واحدة وقع في الملعب ، صراخ وزعيق هاتوا الاسعاف اطلبوا الاسعاف ، عربيتي كانت راكنة ادام الملعب ، طلعت جري وشيلناه ودخلناه العربية وركب جنبي كابتن حسام البدري و ورا عالكنبة عبد الوهاب ودكتور ايهاب علي اللي بيزعق وبيقوله فوق يا عبد الوهاب.
أضاف: وصلنا المستشفي وبعد شوية بلغونا بالخبر ( مات عبد الوهاب ) ، اصعب لحظة مرت عليا في حياتي الكروية ، ٣١-٨-٢٠٠٦ ، في الجنة ونعيمها يا عبد الوهاب وعمرنا مهننساك .