مرتضى منصور يعلق على مشاركة كهربا.. ويتوعد الأهلي بالدوري

علق مرتضى منصور رئيس مجلس إدارة نادي الزمالك، على قرار الاتحاد الدولي بشأن مشاركة محمود كهربا في المباريات مع النادي الاهلي.

وقال مرتضى منصور في تصريحات تليفزيونية "مشاركة محمود كهربا مع الأهلي لا تهمه نهائيا، ولكن الأهم هو الحصول على أموال الغرامة من اللاعب فقط".

وأضاف "لا يهمني مشاركة كهربا يلعب مع الأهلي ولا لا، أنا المهم عندي أنى أخد فلوس الغرامة اللي وصلت 80 مليون جنيه دلوقتي، بعد زيادة أسعار الدولار".

وتابع "أقول لمحمود كهربا خليك ورا الخطيب يا كهربا، لحد ما تبقى زي حسام عاشور كان كابتن الأهلي، وبعد كدا رماه في الشارع".

وزاد "كفاية اللى بتعمله يا خطيب أنت والحكام، فرص عبيطة بتدخل أهداف ليك، واحنا المرمى بيكون فاضي والكرة مش بتدخل هدف".

واختتم "حظوظ الزمالك في التتويج بالدوري الممتاز مازالت كبيرة، لدينا مباراتان مع الأهلي بـ 6 نقاط في الفترة القادمة".