طارق يحيى يفتح النار على فيريرا بعد ثلاثية أسوان

هاجم طارق يحيى نجم الزمالك السابق جيسوالدو فيريرا مدرب الزمالك بعد خسارة الزمالك من أسوان.

قال طارق يحيى في تصريحاته عبر قناة الزمالك: "اللي حصل ميرضيش حد، الناس اللي راحت سفر 14 ساعة وباتت في الشوارع، مين يجيب حق الناس دي، هي الرسالة موصلتش للاعيبة الزمالك؟ كان لازم ينزلوا ياكلوا النجيلة".

وأضاف: "الكرنفال اللي اتعمل موصلش للاعيبة الزمالك وموصلش للجهاز الفني، ليه بنجري ورا السراب، جمهور الزمالك اللي شقي ومجلس الإدارة اللي وفر لبن العصفور كل دول ذنبهم ايه؟".

وعن جيسوالدو فيريرا قال: "في ايه ياعم مش عوايدك، احنا شوفنا مدربين على أعلى مستوى، مينفعش إني أصر على الخطأ مين السبب أنا ولا الجمهور ولا مجلس الإدارة، التغييرات غلط، مصطفى شلبي بقاله 10 أيام بيتمرن وزي الفل وجاهز ليه ميدخلش التشكيل الأساسي.. محدش يزعل فيريرا مش عندي أغلى من الزمالك".

وختم حديثه قائلا: "الدنيا كانت ماشية زي الفل، لازم نعمل الصح الأول، وأداء الزمالك ضعيف في الشوط الأول، مينفعش يتقال للمدرب العام اقعد ملكش دعوة، الناس بتساعد".