ميدو:الحكام بتترعب من الأهلي والزمالك

أكد أحمد حسام ميدو أن زكريا الوردي لاعب وسط الزمالك كان يستحق الطرد أمام سيراميكا كليوباترا في الجولة الثانية من الدوري الممتاز هذا الموسم.

قال ميدو في تصريحاته عبر برنامج الريمونتادا على قناة المحور: "الزمالك كان محظوظ إنه كمل ماتش سيراميكا بـ11 لاعب، بصراحة زكريا الوردي كان المفروض يطرد، ولو الكورة اللي تدخل فيها زكريا الوردي على لاعب سيراميكا بتدخل ثاني مشترك مفيهاش إنذار تاني وطرد لزكريا، يبقى كدة مفيش حد بيفهم كورة"

وأضاف: "زي ما قولنا على طاهر محمد طاهر إنه كان يستحق الطرد بعد تدخله القوي على قدم باسم مرسي، بنقول على زكريا الوردي، والإسماعيلي اتظلم أمام الأهلي لإن طاهر كان المفروض يطرد، ونفس الكلام لسيراميكا، سيراميكا اتظلم أمام الزمالك"

وختم: "حكامنا بتترعب من الأهلي والزمالك، ولازم كلاتنبرج يلاقي حل في الموضوع ده، حكامنا بتترعب من إنها تاخد قرارات مهمة على الأهلي والزمالك وكرة طاهر محمد طاهر وزكريا الوردي خير دليل"