تعليق ناري لشوبير على أزمة مستحقات الحكام قبل بداية الدوري

تحدث الإعلامي أحمد شوبير عن أزمة مستحقات الحكام في مصر قبل بداية الموسم الكروي الجديد وانطلاق بطولة الدوري المصري الممتاز.

وقال شوبير في تصريحات إذاعية: هل ممكن تروح محكمة والمحامين يروحوا والقضية تاخد مجراها، وبعدين القاضي يوم المحكمة ما تلاقوش على المنصة، ممكن أي حد يغيب المحامي مثلا يغيب إنما القاضي لأ، نفس الأمر في قضاة الملاعب.

واضاف: السادة الحكام في مصر هم أغلب ناس في المنظومة، كانوا بياخدوا 150 جنيه في المباراة لغاية ما وصل دلوقتي حكم الساحة بياخد 7 آلاف جنيه.

واختتم شوبير: المشكلة ان فلوسهم ومستحقاتهم بتتأخر، لكن لو لاعب فلوسه تتأخر الفيفا يجيبها المحكمة الدولية أي جهة إنما الحكام فلوسهم تتأخر عادي، وعلى فكرة الحكام حاليا هددوا بعدم التحكيم في الموسم الجديد لو ما حصلوش على مستحقاتهم.