أخبار محلية

معتز إينو لـ"حسام البدري": كنت أتمنى إنك تتمسك بيا

الإثنين 12/سبتمبر/2022 - 09:42 م

كتب: على عبيد

معتز اينو

وجه معتز إينو، لاعب الأهلي والزمالك السابق، ومنتخب مصر، رسالة للإعلامي عبد الناصر زيدان قائلًا: "بحبه جدا وطلعت معاه فى حلقات كثيرة، وهو من الناس المحترمة، وعايز أقوله مبروك على البرنامج الجديد وتكسر الدنيا".

كما وجه “إينو”، خلال لقائه مع الإعلامية رقية اليزيدي، ببرنامج "العنيدة"، المذاع على قناة "الشمس"، رسالة للكابتن حسام البدري قائلًا: "كنت أتمنى إنك تتمسك بيا عشان مكنتش عايز أمشي من النادي، بس دي وجهة نظرك، وأتمنى له كل التوفيق ومفيش حاجة بيني وبينه".

ووجه رسالة للكابتن حسن شحاتة قائلًا: "نجم كبير ولما مسك منتخب مصر مفيش مدرب حقق الألقاب اللي حققها، ومن الناس اللي بحترمها وبقدرها".

وأشار إلى أن كرة القدم فيها توفيق كبير من الله، مؤكدًا أن هناك مواهب كبيرة لم تستطع الوصول، لافتًا إلى أنه محظوظ بلعبه في النادي الأهلي، متابعًا: "أنا من اللاعبين الوحيدين اللي لعبوا في الأهلي والزمالك".

وأكد أنه لم يهاجم شيكابلا، قائلًا: "ده صاحبي وأخويا، مش أنا اللي بهاجم، واللي زعلان مني ميزعلش"، ووجه رسالة لوالده قائلًا: "كان صاحبي وعمري ما خبيت حاجة عنه وكان نفسي يكون موجود معانا".