حسام حسن يفتح النار على الجميع: "أبو تريكة وجمعة مش أبناء الأهلي.. والخطيب لم يسجل سوى 103 أهداف"

أطلق حسام حسن، نجم الأهلي والزمالك ومنتخب مصر السابق، تصريحات من العيار الثقيل بشأن محمود الخطيب رئيس القلعة الحمراء، وكذلك وائل جمعة ومحمد أبوتريكة أساطير قلعة التتش.

حسام حسن والخطيب
وقال حسام حسن في تصريحات تليفزيونية عبر فضائية "إم بي سي مصر": "البعض يحاول تشويه صورتي داخل النادي الأهلي، أنا مشيت من النادي وأحرزت 109 أهداف للأهلي في بطولة الدوري يعني أكثر لاعب منذ إنشاء الكرة المصرية أحرز أهدافا للفريق".

وأضاف: "بينما محمود الخطيب اعتزل وهو أحرز 101 أو 103 أهداف، لكني تفاجأت بعد ذلك أن انا سجلت 109 والخطيب زيي، عشان ميتقلش حسام حسن هو الهداف التاريخي للأهلي في الدوري".

وتابع: "وجودنا في الأهلي يشرفنا وعدم وجودنا لحد تاني مش عاوز يدخلنا دي خلاص مش بإيدينا، بس لازم الجماهير يعرفوا إحنا من كباتن الأهلي ومشينا إزاي وإننا عمرنا ما نبيع النادي الأهلي".

حسام حسن وتريكة وجمعة وشحاتة

وواصل: "رضا شحاتة، أنت لعبت شهرين ولا سنة يا رضا مع احترامي الشديد ليك، انت جاي من المنصورة لعبت في الأهلي سنة على راسنا ولكن انت مش ابن النادي، وكذلك ولما ييجي وائل جمعة يلعب في الأهلي سنتين ولا تلاتة ولا أربعة وييجي أبوتريكة يلعب ست سنين ولا خمس سنين، هو مش ابن النادي الأهلي".

واختتم: "وييجي عصام الحضري، يلعب 5 ولا 6 سنين ويقولك أنا ابن الأهلي، هما مش أبناء الأهلي هما أضافوا للأهلي زي ما أنا وإبراهيم روحنا الزمالك لعبنا 4 مواسم وخدنا بطولات أكتر من رموز نادي الزمالك مثل حسن شحاتة وفاروق جعفر وأكبر لاعب في الزمالك ماخدش البطولات اللي خدناها مع النادي في 4 مواسم، ولكن احنا مش ولاد نادي الزمالك".